<?xml version="1.0" encoding="UTF-8"?><song><author>Alfred Wright</author>
<aka>A closing Hymn.</aka>
<title>Chihowa im ʋlla pia ƲIT151</title>
<lyrics>[V1]
 Chihowa im ʋlla pia,
 Aiahnit, na̱ pi yukpa hosh
 E tishela chi̱ kʋt,
 Chu̱kʋsh ai achʋfa banot
 Pin Chisʋs a̱ aiokpʋchit
 Il in taloashke.

[V2]
 Aiilbʋsha yakni 'lʋppa
 Il aiasha moyuma kʋt
 Il iti̱ hullashke.
 Chisʋs in chuka achʋfa
 Pia, il aiahni kak osh
 Kil itiba yukpá

[V3]
 Pin chuka yʋt ʋba yoka
 Talaia; nitak kanima
 Ʋba Pi̱ki yokʋt
 Ʋm ʋlla ma! chin chuka ya̱
 Mintí, auet pim achi na,
 E haklo hi oke.

[V4]
 A̱hli fehna, a̱hli fehna,
 Sachu̱kʋsh ʋt ahanchishke;
 Ʋba holitopa
 Yʋmma ont ai itafa̱mʋt
 A̱sha na bilia hi osh,
 Pi ʋlhtoka yoke.

[V5]
 Chisʋs a mi̱kot ahanta
 A tohwikeli bieka,
 Ʋba talaia ka
 Na̱ yukpa hosh ont ahantʋt,
 Chisʋs in taloho̱wa kʋt
 Il a bilia he.

[V6]
 Klaist pulla ho̱ nitak nana
 Kil iti̱ filʋmmo ka he;
 Yʋmohmi pulla chi̱,
 Aiahnit, chu̱kʋsh ayukpa
 Alota mak osh sʋbbak a̱
 Chi̱ wieli lishke.</lyrics>
<time_sig>8.8.6.8.8.6.</time_sig>
<hymn_number>151</hymn_number>
</song>